مهزلة عراقية جديدة ... توزيع الاطباء للاقامة
بقلم طبيب مهموم
الموقع / وزارة الصحة - القاعة المركزية الطابق الارضي
الحضور 145 طبيب من انحاء العراق
المسؤول عن التوزيع مدير دائرة التخطيط في وزارة الصحة العراقية "الدكتور" جاسب الحجامي مدير عام دائرة التخطيط ...
ما حصل هو ما يقارب ال 40 طبيب من بغداد واكثر من 45 طبيب من الموصل
والباقي مقسمه بين المحافظات
حيث كان توزيع المقاعد لبغداد كانت 4 مقاعد فقط وللموصل 7 فقط ...
اما ميسان و ذي قار والسماوة فكانت المقاعد مفتوحه بلا حساب وبلا كتاب ...
في البداية اعترض الجميع على ذلك و من بينهم طبيبة من محافظة بغداد
لقلة عدد المقاعد والغاء معظم فروع الطب "انف واذن وحنجرة و العيون وباقي الاقسام الاخرى"
.... يعني مو بكيفك تختار حتى لو متحب الفرع بكيفهم يودوك ويجيبوك ..
"الدكتور" جاسب الحجامي مدير عام التخطيط انتزع اخلاقيات منصبه وشهادته "
" الكلك اكيد "" بتفوهه بالالفاظ النابية على احد الطبيبات "كعدي لج"
بعد ان صفق جميع الحضور لها كونها اعترضت ومثلت اعتراض جميع الاطباء ...
و يضيف "" الدكتور والمدير العام صاحب الاسلوب الحسن والخلق العالي ""
... ""قشمرتكم هاي ؟؟؟؟؟ والميريد يتوزع خل يطللع نوزعه غيابيا""
يعني "طب عدلي" و وره الشمس بالنهاية نتيجة التوزيع هو معظم اطباء بغداد و الموصل في ما يطلقون عليها هم بكتبهم الرسمية المحافظات الطاردة !!! ميسان السماوة و ذي قار...
ومما تطرق اليه في كلامه ايضا ...
"اني ما يهمني القانون بكد ما يهمني الشرع !!!!!! وانتو متريدون تخدمون العرررراق!!!! انتو مهمتكم انسانية ""
((زين الشرع شجابه بالنص ؟؟؟ شنو ديوزع الاطباء عالحوزة بالنجف لو عله جامع ابو حنيفة ؟؟؟))
احد الاطباء الموجودين هناك اضاف : لما رادوا الأطباء يغادرون القاعة، دخلت القوات الأمنية للقاعة ومنعتهم من المغادرة...
ولما ردنا نحجي ونعترض، يجاوب "ما انطيكم مجال تحجون لان أنتو مو مال احترام"
بس اريد اعرف لعد منو مال احترام؟؟؟؟...
ولما جاوبناه: "وين الديمقراطية؟"
جاوب: "اللي ما يريد يتوزع اليوم، احنا نوزعه غيابيا"...
ولما غادرنا القاعة، فتشوا موبايلات الاطباء والصور والفيديوات (لازم صورنا العائلية بيها ارهاب؟؟؟؟)
اي اسلوب هذا واي زمان يعامل فيه الطبيب بمثل هذا الانحلال الخلقي ؟؟؟!!!
اي منطق من الذي ينعت بنفسه "" دكتور "" و "" مدير عام ""
ومن المفروض انه سفير لادب الكلام والحوار ؟؟؟!!!
مو ملكتوا فلوس بكد السماوات ومدتعرفون تنظفون السنتكم واسلوبكم ؟؟
تروحون فدوة لتراب رجلين كل طبيب تعبان عله روحه وخلف الله عالوكت الي صارت بي الغربان اسود
اسود جبانه همه القذارة واشاعة الجهل والتعصب والفكر اللاانساني والله يرفع هالغيمة السودة من هالبلد.
ويعيش العراقي بكل احترام وانسانية
مجموعة العراق فوق خط احمر